Osimhenin qolu qırılıb

“Qalatasaray” UEFA Çempionlar Liqasının 1/8 final mərhələsinin cavab oyununda “Liverpul”a 0:4 hesabı ilə məğlub olub.

Apasport.az xəbər verir ki, İstanbul təmsilçisinin oyun zamanı zədələnən futbolçuları Viktor Osimhen və Noa Lanqın vəziyyətinə aydınlıq gəlib.

İkinci hissənin əvvəlində əvəzlənən nigeriyalı hücumçunun sağ qolunda sınıq aşkarlanıb.

Həmçinin, ikinci hissədə meydana daxil olan Noa Lanqın sağ baş barmağında ciddi kəsik yaranıb və o, əməliyyat olunub.