Çempionlar Liqası: PSJ “Bavariya”nı məğlub edib

UEFA Çempionlar Liqasının yarımfinal mərhələsinin ilk oyununda PSJ evdə “Bavariya” üzərində 5:4 hesablı qələbə qazanıb.

APA xəbər verir ki, gərgin və bolqollu keçən qarşılaşmada Paris klubunun heyətində Xviça Kvaratsxeliya (24, 56), Xuan Neves (33) və Usman Dembele (45+5, pen., 58) fərqləniblər.

Almaniya təmsilçisinin qollarını isə Harri Keyn (17, pen.), Maykl Olise (41), Dayo Upamekano (65) və Luis Fernando Dias (68) vurublar.

Beləliklə, PSJ iki oyundan ibarət yarımfinalın ilk görüşündə minimal üstünlük əldə edib.