İranda baş verən zəlzələ Naxçıvanda hiss edilib - YENİLƏNİB

Naxçıvan stansiyasından 76 km cənub-qərbdə, İranın Xoy şəhərində zəlzələ qeydə alınıb.

APA xəbər verir ki, bu barədə Seysmoloji Xidmət Mərkəzi məlumat yayıb.

Bildirilib ki, zəlzələ Naxçıvan stansiyasından 76 km cənub-qərbdə Azərbaycanın Naxçıvan, Ordubad, Culfa, Şahbuz, Babək rayonlarında 3 bala qədər hiss olunub.

Yeraltı təkanlar yerli vaxtla saat 22:01-də qeydə alınıb.

Zəlzələ ocağı yerin 4 kilometr dərinliyində olub.

*** 22:11 Naxçıvan Muxtar Respublikasında zəlzələ baş verib.

APA-nın yerli bürosu xəbər verir ki, saat 22:03-də qeydə alınan zəlzələ Naxçıvan MR ərazisində 3 bala qədər hiss olunub.

Zəlzələ təxminən 5-7 saniyə davam edib.