DÇ-2026: Artıq dörd ölkənin millisi turnirlə vidalaşıb

İordaniya millisi də DÇ-2026 ilə vidalaşıb.

Apasport.az xəbər verir ki, Əlcəzairə 1:2 hesabı ilə məğlub olan Asiya təmsilçisi qrupdan çıxmaq şansını rəsmən itirib.

Qeyd edək ki, İordaniya mundiala Avstriyaya 1:3 hesablı məğlubiyyətlə başlamışdı. Komanda J qrupundakı son oyununu Argentina millisinə qarşı keçirəcək.

Beləliklə, dünya çempionatında mübarizəni davam etdirə bilməyəcəyi dəqiqləşən komandaların sayı 4-ə yüksəlib.

Hazırda turnirlə vidalaşan yığmalar Haiti, Türkiyə, Tunis və İordaniya milliləridir.

Bu yığmaların qrup mərhələsinin üçüncü turundakı oyunları formal xarakter daşıyacaq.