Kəlbəcərdə 1989-cu il 14 iyul faciəsinin qurbanları anılıb - FOTO

Kəlbəcərdə 1989-cu il iyulun 14-də baş vermiş faciənin növbəti ildönümü münasibətilə anım mərasimi keçirilib.

APA-nın yerli bürosunun xəbərinə görə, mərasimdə helikopter qəzasında həlak olanların ailə üzvləri, yaxınları və Kəlbəcər şəhər 1 nömrəli tam orta məktəbin müəllimləri iştirak ediblər.

Həlak olanların məzarları ziyarət edilib, xatirələri yad olunub.

Qeyd edək ki, 1989-cu il iyulun 14-də Kəlbəcər şəhər stadionuna enən hərbi helikopter havaya qalxarkən qəzaya uğrayıb. Nəticədə helikopterin rotor pərlərinin stadionun yaxınlığında olan uşaqlara dəyməsi nəticəsində 8 azyaşlı həyatını itirib. Bu hadisə Kəlbəcər rayonunun tarixində ən ağır faciələrdən biri kimi xatırlanır.