BTQ tarixində önəmli gün: Yükdaşımalar bərpa olunub - FOTO

Orta Dəhlizin vacib seqmenti hesab olunan Bakı-Tbilisi-Qars dəmir yolu xəttinin Gürcüstandan keçən 184 kilometrlik hissəsində aparılmış təmir-bərpa, rekonstruksiya və genişləndirmə işləri artıq yekunlaşıb.

"APA-Economics" xəbər verir ki, bu gündən etibarən BTQ dəmir yolu xətti üzrə yükdaşımalara start verilib.

Abşeron Logistika Mərkəzindən 20 konteynerdən ibarət ilk yük qatarı Gürcüstan istiqamətinə yola salınıb.