Gədəbəydə minik maşını körpüdən aşıb, xəsarət alanlar var

Gədəbəydə yol nəqliyyat hadisəsi baş verib.

APA-nın yerli bürosunun məlumatına görə, hadisə rayonun Düzyurd kəndinin girişində qeydə alınıb.

Hərəkətdə olan minik maşını yoldan çıxaraq körpüdən aşıb. Qəza zamanı 1 ailənin 3 üzvü xəsarət alaraq xəstəxanaya yerləşdirilib. Xəsarət alanlar 39 yaşlı Elbəyi Cəfərov, 29 yaşlı Aysel Cəfərova və ailəni 5 yaşlı övladı Kamil Cəfərovdur.

Faktla bağlı araşdırma aparılır.