Bayram günlərində Bakı-Ağstafa marşrutu üzrə əlavə 12 qatar reysi təyin edilib

"Azərbaycan Dəmir Yolları" QSC Milli Qurtuluş Günü və Qurban bayramı ilə əlaqədar qeyri-iş günlərində Bakı–Ağstafa–Bakı marşrutu üzrə 12 əlavə qatar reysi təyin edib.

Bu barədə "APA-Economics"ə qurumdan bildirilib.

Məlumata görə, qatarlar 14, 15, 17, 18 və 19 iyun tarixlərində hər iki istiqamətdə, 16 iyun tarixində isə bir istiqamətdə – Bakıdan Ağstafaya yola düşəcək.

Eyni zamanda, 14 iyundan etibarən Bakı–Ağstafa–Bakı marşrutu üzrə müasir və komfortlu yeni “Stadler” qatarları sərnişinlərin istifadəsinə veriləcək.