Ötən dövr ərzində nikah və boşanmaların sayı açıqlanıb

Ədliyyə Nazirliyinin rayon (şəhər) qeydiyyat şöbələri tərəfindən cari ilin yanvar-iyul aylarında 22130 nikaha daxilolma və 11678 boşanma halları qeydə alınıb.

APA xəbər verir ki, bu, Dövlət Statistika Komitəsinin yanvar-avqust ayında ölkənin iqtisadi və sosial inkişafının makroiqtisadi göstəricilərini əks etdirən nəşrdə öz əksini tapıb.

Bildirilib ki, 2025-ci ilin müvafiq dövrü ilə müqayisədə əhalinin hər 1000 nəfərinə nikahların sayı azalaraq 4,6-dan 3,7-yə düşüb, boşanmaların sayı isə dəyişməyərək eyni səviyyədə (2,0) qalıb.