Şəkidə məktəb binasında baş verən yanğın söndürülüb - YENİLƏNİB

Şəkidə məktəb binasında baş verən yanğın söndürülüb.

APA-nın Şimal-qərb bürosunun məlumatına görə, yanğın nəticəsində ümumi sahəsi 1326 kv/m olan ikimərtəbəli məktəb binasının ikinci mərtəbəsi və dam örtüyünün yanar konstruksiyaları və birinci mərtəbənin 84 kv/m-lik sahəsinin yanar konstruksiyaları yanıb.

Binanın qalan hissəsi və yaxınlıqdakı tikililər yanğından mühafizə olunub. Yanğın zamanı xəsarət alan olmayıb.

Faktla bağlı araşdırma aparılır.

***

01:53

Şəkidə məktəb binasında yanğın başlayıb.

APA-nın Şimal-qərb bürosunun məlumatına görə, iyunun 19-u axşam saat 23 radələrində rayonun Turan qəsəbəsində yerləşən tam orta məktəbin istifadəyə yararsız, bir müddətdir tədris keçilməyən ikimərtəbəli korpusunda yanğın baş verib.

Yanğının söndürülməsi üçün əraziyə Şəki və Yevlax rayonlarının Dövlət Yanğından Mühafizə Hissələrinin texnikaları və şəxsi heyəti cəlb olunub.

Hazırda yanğın məhdudlaşdırılıb, məktəb korpusunun tam söndürülməsi istiqamətində işlər aparılır.