Cəlilabadda "VAZ-2106" markalı minik avtomobili aşıb, sürücü xəsarət alıb - FOTO

Cəlilabad rayonunda baş verən nəqliyyat qəzasında xəsarət alan var.

APA-nın cənub bürosunun verdiyi xəbərə görə hadisə Cəlilabad-Cəngan avtomobil yolunda qeydə alınıb.

Rayon sakini 1981-ci il təvəllüdlü Ramin Məmmədov idarə etdiyi "VAZ 2106" markalı minik avtomobilini yolun kənarına aşırıb. Qəza nəticəsində sürücü müxtəlif bədən xəsarətləri alıb. O, təcili tibbi yardım avtomobili ilə Cəlilabad Rayon Mərkəzi Xəstəxanasına çatdırılıb.

Faktla bağlı araşdırma aparılır.