Goranboyda avtomobillin vurduğu piyada Gəncədə xəstəxanada ölüb

Goranboyda piyadanın ölümü ilə nəticələnən yol qəzası baş verib.

APA yerli bürosunun məlumatına görə hadisə Goranboy-Tərtər-Ağdam avtomobil yolunun rayonun Veyisli kəndindən keçən hissəsində qeydə alınıb.Veysli kənd sakini idarə etdiyi "Ford Fusion" markalı minik maşını ilə hərəkətdə olan zaman yolu keçmək istəyən piyada; həmkəndlisi 1984-cü il təvəllüdlü Əhməd Ərəbovu vurub.

Piyada Goranboy rayon mərkəzi xəstəxanasına yerləşdirilib. Onun vəziyyəti ağır olduğu üçün Gəncədə yerləşən xəstəxanaların birinə yerləşdirilib. Lakin həkimlərin tibbi müdaxiləsinə baxmayaraq 40 yaşlı piyadanın həyatını xilas etmək mümkün olmayıb.

Faktla bağlı araşdırma aparılır