Beyləqanda çürümüş kişi meyiti tapılıb

Beyləqanda asılmış vəziyyətdə 41 yaşlı çürümüş kişi meyiti tapılıb.

APA xəbər verir ki, hadisə rayonun Bolsulu qəsəbəsində qeydə alınıb.

1983-cü il təvəllüdlü Kəbirli kənd sakini Qənbərli Həsən Qənbər oğlunun ciddi çürümə əlamətləri olan asılmış meyiti yardımçı tikilidə aşkar edilib.

İlkin məlumata görə, Qənbərli Həsən Qənbər oğlunun çox sayda şəxsə borcu olub.

Faktla bağlı Beyləqan rayon prokurorluğunda araşdırma aparılır.