QHT-lərə Dövlət Dəstəyi Agentliyi “QHT-lərin V İnkişaf və Mübadilə proqramı”nı elan edib

Qeyri-Hökumət Təşkilatlarına Dövlət Dəstəyi Agentliyi Şamaxıda “QHT-lərin V İnkişaf və Mübadilə proqramı”nı elan edib.

APA xəbər verir ki, proqramın məqsədi ictimai birliklərin inkişafına dəstək verməkdir.

Şamaxı şəhərində 15-17 avqust 2024-cü il tarixlərində proqram çərçivəsində 3 günlük təlimlər təşkil olunacaq.

Təlim iştirakçıları seçim əsasında müəyyən olunacaq.

Daha öncə QHT-lərin İnkişaf və Mübadilə Proqramlarına qoşulan şəxslər bu təlimdə iştirak edə bilməzlər.

Təlimdə hər QHT-dən yalnız 1 nəfər təmsil oluna bilər.