Biləsuvarda baş verən qəzada xəsarət alanların kimliyi məlum olub - YENİLƏNİB

Biləsuvarda baş verən yol qəzasında xəsarət alanların kimliyi məlum olub.

APA xəbər verir ki, hadisə nəticəsində Biləsuvar rayon sakinləri Kamal Cəlilov, Şahmar Mənsimov və Araz Xəlilli yaralanıblar.

Bildirilir ki, onların internet şirkətlərindən birinin əməkdaşlarıdır.

Faktla bağlı araşdırmalar davam etdirilir.

*** 21:18 Biləsuvarda yol nəqliyyat hadisəsi baş verib.

APA-nın cənub bürosunun verdiyi xəbərə görə, hadisə rayonun Aranlı kəndində qeydə alınıb.

Hərəkətdə olan "Niva" markalı minik avtomobili idarəetməni itirərək yol kənarındakı kafeyə çırpılıb.

Hadisə nəticəsində 3 nəfər xəsarət alaraq Biləsuvar Rayon Mərkəzi Xəstəxanasına çatdırılıb.

Hazırda onların şəxsiyyəti dəqiqləşdirilir.

Faktla bağlı araşdırma aparılır.