Şahbuz rayonunda güclü yanğın baş verib - VİDEO - FOTO - YENİLƏNİB

Naxçıvan Muxtar Respublikasının Fövqəladə Hallar Nazirliyinin “112” qaynar telefon xəttinə Şahbuz rayonu Biçənək kəndində 2 fərdi yaşayış evində yanğının baş verməsi barədə məlumat daxil olub.

APA xəbər verir ki, məlumatla əlaqədar dərhal Naxçıvan şəhər və Şahbuz Rayon Dövlət Yanğından Mühafizə Hissələrinin yanğından mühafizə bölmələri çağırış üzrə hadisə yerinə cəlb olunublar.

Yanğın nəticəsində zirzəmi ilə birlikdə ikimərtəbəli fərdi yaşayış evinin yanar konstruksiyaları içərsində olan əşyalarla birlikdə və digər ikimərtəbəli fərdi yaşayış evinin isə bir otağı və dam örtüyün yanar konstruksiyaları yanıb.

Havanın küləkli olmasına baxmayaraq yanğın yanğından mühafizə bölmələri tərəfindən söndürülərək daha geniş sahələrə yayılmasının və digər fərdi yaşayış evlərinə keçməsinin qarşısı alınıb.

***

23:41

Şahbuz rayonundam güclü yanğın baş verib.

APA-nın Naxçıvan bürosu xəbər verir ki, yanğın rayonun Biçənək kəndində qeydə alınıb.

Yanğının söndürülməsi üçün hazırda Naxçıvan Muxtar Respublikası Fövqəladə Hallar Nazirliyinin Dövlət Yanğından Mühafizə Xidmətinin texnika və əməkdaşları əraziyə cəlb olunub.

Hava küləkli olduğu üçün hələ kı, yanğını söndürmək mümkün deyil.

İlkin məlumata görə, kənddə bir-birinə bitişik olan 3 ev yanıb.