Gəncədə fərdi yaşayış evi yanıb

Gəncədə yanğın hadisəsi baş verib.

APA-nın yerli bürosunun məlumatına görə, hadisə şəhərin Məhsəti qəsəbəsində qeydə alınıb.

Belə ki qəsəbədə yerləşən Nahidə Mehdiyevaya məxsus fərdi yaşayış evində anidən yanğın olub. Dərhal əraziyə FHN yanğın söndürən avtomobilləri və canlı qüvvəsi cəlb olunub. Ümumi sahəsi 120 kv metr olan yaşayış evinin 30 kv metr hissəsi yanıb. Evin qalan hissəsi yanğından mühafizə edilib.

Hadisənin baş vermə səbəbləri araşdırılır.