Gəncədə zəncirvari qəza olub, xəsarət alanlar var

Gəncədə yol nəqliyyat hadisəsi baş verib.

APA-nın yerli bürosunun məlumatına görə hadisə şəhərin Nizami Gəncəvi prospektində qeydə alınıb.

Hərəkətdə olan "KİA" və iki "Chevrolet" markalı minik avtomobilləri toqquşub. Qəza zamanı 3 nəfər xəsarət alaraq xəstəxanaya yerləşdirilib.

Xəsarət alanlar 1994-cü il təvəllüdlü İ. Tanrıverdiyev, 1992-ci il təvəllüdlü E. Babayev və 2004-cü il təvəllüdlü A. Əlizadədir.

Hadisə zamanı avtomobillərə ciddi ziyan dəyib.

Faktla bağlı araşdırma aparılır.