Ağstafada bir nəfər Kürdə batıb - YENİLƏNİB

Fövqəladə Hallar Nazirliyinin (FHN) "112" qaynar telefon xəttinə Kür çayının Ağstafa rayonu, Saloğlu qəsəbəsindən keçən hissəsində 1 nəfərin batması barədə məlumat daxil olub.

APA nazirliyə istinadən xəbər verir ki, məlumatla əlaqədar FHN-nin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri axtarışlara cəlb olunublar.

Əlavə məlumat veriləcək.

***

17.55

Ağstafada bir nəfər Kür çayında batıb.

APA-nın yerli bürosunun məlumatına görə, hadisə Kür çayının rayonun Saloğlu kəndindən keçən hissəsində qeydə alınıb. Batan şəxsin 1968-ci il təvəllüdlü Ağstafa rayon Soyuqbulaq qəsəbə sakini Rasim Şıxıyev olması müəyyən edilib.

Əraziyə FHN-in dalğıc-axtarış qrupu cəlb olunub.