Hava yolu ilə sərnişin daşımaları artıb, yük daşımaları isə azalıb

Bu ilin yanvar-noyabr aylarında Azərbaycanda hava nəqliyyatı ilə 3 825,4 min və ya əvvəlki ilin müvafiq dövrünə nisbətən 3,7% çox sərnişin daşınıb.

Bu barədə “APA-Economics” Dövlət Statistika Komitəsinə istinadən xəbər verir.

Məlumata görə, hesabat dövründə daşımaların 99,9%-i dövlət, 0,1%-i isə özəl müəssisələrə məxsus nəqliyyat vasitələri ilə həyata keçirilib.

“Bu nəqliyyat növü ilə yükdaşıma 5,2% azalaraq 356,5 min ton olub”, - məlumatda qeyd olunur.