Göygöldə güclü qar səbəbindən ucqar kənd yollarında hərəkət çətinləşib

Göygöldə güclü qar yağıb.

APA-nın yerli bürosunun məlumatına görə, gecə saatlarından yağmağa başlayan qar rayonun Toğanalı, Göyçəkənd, Qarabulaq və ucqar kəndlərinə düşüb.

Ucqar kəndlərdə qarın hündürlüyü 15-20 santimetrə çatıb. Bu səbəbdən ucqar kəndlərdə nəqliyyatın hərəkətində çətinliklər yaranıb. Hərəkət qismən təmin olunsa da bəzi avtomobillər yolda qalıb.

Bölgədə qeyri-sabit hava şəraiti davam edir.