Zaqatalada avtomobil ağaca çırpılıb, xəsarət alanlar var - FOTO - YENİLƏNİB

Zaqatalada baş verən yol qəzasında xəsarət alanların kimliyi məlum olub.

APA-nın Şimal-qərb bürosunun məlumatına görə, qəza zamanı xəsarət alan sürücü rayonun Bəhmətli kənd sakini 1991-ci il təvəllüdlü Orxan Zahid oğlu Vəliyev və onun sərnişini rayonun Lahıc kənd sakini 1995-ci il təvəllüdlü Coşqun Rafael oğlu Abdullayevdi.

Onların müalicəsi Zaqatala RMX-da davam etdirilir.

***

10.16

Zaqatalada minik avtomobili ağaca çırpılıb, xəsarət alanlar var.

APA-nın Şimal-qərb bürosunun məlumatına görə, hadisə səhər saatlarında Yevlax-Zaqatala-Gürcüstan sərhəd magistiral yolunun Zaqatala rayonu Aşağı Tala kəndinin inzibati ərazisindən keçən hissəsində baş verib. Zaqatala şəhəri istiqamətində hərəkətdə olan “Lada Priora” markalı 90 XZ 447 dövlət nömrə nişanlı minik avtomobili idarəetmədən çıxaraq yolun kənarındakı ağaca çırpılıb.

Qəza zamanı avtomobilin sürücüsü və sərnişin xəsarət alıb. Yaralılar Zaqatala Rayon Mərkəzi Xəstəxanasına (RMX) yerləşdirilib. Hazırda yaralıların müayinə aparılır, şəxsiyyətləri dəqiqləşdirilir.

Faktla bağlı araşdırma aparılır.