Afrika Millətlər Kuboku: Nigeriya və Misir növbəti mərhələyə keçib

Afrika Millətlər Kubokunda 1/8 final mərhələsinin oyunları davam edir.

Apasport.az xəbər verir ki, günün ilk matçında Misir millisi Benin yığması ilə qarşılaşıb.

Dörd qolun vurulduğu görüşdə qalib tərəf birincilər olub. Oyun Misirin 3:1 hesablı qələbəsi ilə başa çatıb.

Digər matçda isə Nigeriya millisi Mozambiki 4 cavabsız qolla məğlub edərək 1/4 final mərhələsinə vəsiqə qazanıb - 4:0.