İranda aksiyalarda ölənlərin sayı 500-ü keçib, 10 mindən çox insan həbs olunub

İranda etiraz aksiyalarında toqquşmalarda 500-dən çox insan ölüb.

APA xəbər verir ki, bu barədə hüquq müdafiə qruplarındakı mənbələrə istinadən “Reuters” məlumat yayıb.

Tehran isə ABŞ prezidenti Donald Trampın etirazçıların lehinə müdaxilə etmək qərarına gələcəyi təqdirdə ABŞ hərbi bazalarını hədəf alacağı ilə bağlı xəbərdarlıq edib.

Qeyd edək ki, İran 2022-ci ildən bəri ən böyük nümayişlərlə üzləşdiyi üçün Tramp dəfələrlə etirazçılara güc tətbiq olunarsa, müdaxilə edəcəyi ilə bağlı ölkə rəhbərliyini hədələyib.

İranın daxilində və xaricində fəallardan əldə olunan son rəqəmlərə görə, iki həftəlik aksiyalarda 490 etirazçı və 48 hüquq mühafizə orqanı əməkdaşı həlak olub, 10.600-dən çox insan isə həbs olunub.