Mikayıl Cabbarov “TikTok”un vitse-prezidenti ilə görüşdü

İqtisadiyyat naziri Mikayıl Cabbarov Davosda Dünya İqtisadi Forumu çərçivəsində “TikTok” şirkətinin vitse-prezidenti Helena Lerş ilə görüş keçirib.

“Qafqazinfo” xəbər verir ki, bu barədə nazir öz feysbuk hesabında paylaşım edib.

Onun sözlərinə görə, görüş zamanı Lerş ilə Azərbaycanda startap ekosisteminin inkişafı istiqamətində görülən işlər, “TikTok Startap Akademiyası”nın fəaliyyəti, sosial platformaların biznesin potensialının təqdim edilməsi üçün əhəmiyyəti və əməkdaşlıq imkanları barədə fikir mübadiləsi aparılıb.