İsrail bir neçə beynəlxalq təşkilatla əlaqələri kəsib

Vaşinqtonun onlarla beynəlxalq təşkilatdan çıxmasından sonra İsrail müəyyən BMT agentlikləri və digər beynəlxalq təşkilatlarla bütün əlaqələrini kəsib.

APA xəbər verir ki, bu barədə İsrailin Xarici İşlər Nazirliyinin mətbuat xidməti məlumat yayıb.

Məlumata görə İsrailin xarici işlər naziri Gideon Saar ABŞ-ın onlarla beynəlxalq təşkilatdan çıxmasından sonra aparılan araşdırma və müzakirələrdən sonra bu qərara gəlib.

Nazirliyin yaydığı məlumata görə, ölkə BMT-nin dörd qurumu ilə artıq əlaqələrini kəsib ki, bunlar BMT Baş Katibinin Uşaqlar və Silahlı Münaqişələr üzrə Xüsusi Nümayəndəsinin Ofisi, BMT Qadınları, BMT-nin Ticarət və İnkişaf Konfransı və BMT-nin Qərbi Asiya üzrə İqtisadi və Sosial Komissiyasıdır.