İranın yük gəmisi Xəzər dənizində qəza vəziyyəti ilə üzləşib

Xəzər dənizində İranın “Rona” yük gəmisi qəza vəziyyəti ilə üzləşib.

APA xəbər verir ki, bu barədə Türkmənistan Xarici İşlər Nazirliyindən məlumat verilib.

Məlumata görə, gəminin ekipaj üzvləri xilas edilib.

“Gəmidə olan 14 nəfərin hamısı xilas edilib. İlkin məlumatlara görə, onlar İran və Hindistan vətəndaşlarıdır. Hazırda Türkmənistan tərəfi beynəlxalq qaydalar çərçivəsində müvafiq prosedurları həyata keçirir”, – məlumatda bildirilir.