Neftçalada baş verən qəzada azyaşlı ölüb, 3 nəfər yaralanıb - YENİLƏNİB

Neftçala rayonunda baş verən yol-nəqliyyat hadisəsi səbəbilə 1-i qadın, 2-i kişi olmaqla xəsarət alan 3 nəfər Salyan Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.

Bu barədə APA-ya Salyan Rayon Mərkəzi Xəstəxanasından verilən məlumatda bildirilib.

Qeyd edilib ki, müxtəlif bədən xəsarətləri alan pasiyentlərə zəruri tibbi xidmətlər göstərilib.

“Hazırda onların müalicələri davam etdirilir, 2 nəfərin vəziyyəti stabil, 1 nəfərin vəziyyəti isə orta-ağır qiymətləndirilir”, - məlumatda vurğulanıb.

***

15:34

Neftçalada baş verən qəzada azyaşlı ölüb.

APA-nın Mil-Muğan bürosunun məlumatına görə, hadisə Neftçala rayonunun Aşağı Surra kəndi ərazisində qeydə alınıb.

"Mercedes Sprinter" və "VAZ2106" markalı avtomobilər toqquşub. "VAZ 2106"da olan Neftçala sakini, 2011-ci il təvəllüdlü Ələkbərov Murad Sabir oğlu xəstəxanaya aparılarkən yolda ölüb. Onun 16 yaşlı qardaşı Neftçala Rayon Xəstəxanasına yerləşdirilib.

Faktla bağlı araşdırma aparılır.