IMF-lə nəqliyyat və şəhər mobilliyi üzrə görülən işlər müzakirə edilib

AZCON Holding-in icraçı direktoru Şahin Babayev Beynəlxalq Valyuta Fondunun (International Monetary Fund) Azərbaycan üzrə missiya rəhbəri xanım Anna Bordonun rəhbərlik etdiyi nümayəndə heyəti ilə görüş keçirib.

"APA-Economics" xəbər verir ki, görüş zamanı AZCON Holding şirkətlərinin fəaliyyətinin təkmilləşdirilməsi məqsədilə həyata keçirilən tədbirlər haqqında fikir mübadiləsi aparılıb.

Həmçinin dövlət müəssisələrinin korporativ idarəetmə prinsiplərinə uyğun idarə olunması, nəqliyyat və şəhər mobilliyi üzrə görülən işlər ətrafında müzakirələr edilib.