İndoneziyada vulkan püskürüb

İndoneziyanın Yava adasının şərqində yerləşən Semeru vulkanı püskürərək, təxminən 1000 metr hündürlüyə vulkanik kül püskürüb.

APA xəbər verir ki, “Antara News”un məlumatına görə, vulkan yerli vaxtla saat 07.30-da püskürüb.

Vulkanologiya və Geoloji Təhlükələrin Azaldılması Mərkəzi (PVMBG) açıqlamasında, partlayış mərkəzindən 5 kilometr və Besuk Kobokan yaxınlığında çay yatağından 500 metr uzaqlaşmağın lazım olduğuna diqqət çəkdi.

Semeru Vulkanının aktivlik səviyyəsi 16 dekabr 2021-ci ildən etibarən 3-cü xəbərdarlıq səviyyəsindədir.