ADY: Dəmir yolu ətrafındakı tikililər təhlükəsizlik riskini artırır - VİDEO

Dəmir yolu ətrafında yerləşən sıx tikililər təhlükəsizlik üçün riski artırır.

Bu barədə "APA-Economics" "Azərbaycan Dəmir Yolları" QSC-yə istinadən xəbər verir.

Məlumata görə, bu cür ərazilərdə insanların qatar yoluna çıxması, relslərə kənar əşyaların qoyulması, nəzarətsiz buraxılan heyvanların qatarın qarşısına çıxması, eləcə də digər təhlükəli hallar daha çox qeydə alınır.

"Neqativ halların baş verməməsi üçün isə maşinistlər tez-tez təcili tormozlama etməyə məcbur qalır. Amma bəzən toqquşmalar qaçılmaz olur", - məlumatda qeyd olunub.