50-yə yaxın xarici və Azərbaycan vətəndaşı İrandan təxliyə olunub

Son saatlarda 50-yə yaxın xarici və Azərbaycan vətəndaşı İrandan Azərbaycan sərhədi vasitəsilə təxliyə olunub.

APA-nın cənub bürosunun məlumatına görə, həmin şəxslərin Astara dövlət sərhədindən buraxılış məntəqəsindən təhlükəsiz şəkildə Azərbaycan tərəfinə keçidi təmin edilib.

Təxliyə olunanlar arasında 1 Azərbaycan, 14 İran, 15 Oman, 8 Bəhreyn, 6 Sudan, 1 Kanada, 1 ABŞ, 3 Tacikistan və 1 Dominik Respublikası vətəndaşı var.

Qeyd edək ki, təxliyə prosesi gecə saatlarında da davam edir.