Azərbaycanın üzvi kimyəvi birləşmə ixracı kəskin azalıb

Bu ilin yanvar-fevral aylarında Azərbaycanın üzvi kimyəvi birləşmələr ixracında gəlirləri 1 milyon 520 min ABŞ dolları təşkil edib.

Bu barədə "APA-Economics"ə Dövlət Gömrük Komitəsindən bildirilib.

Məlumata görə, bu, ötən ilin eyni dövrü ilə müqayisədə 13 dəfə azdır.

İki ayda üzvü kimyəvi birləşmə ixracı ölkənin ümumi ixracının 0,04%-i həcmində olub.

Yanvar-fevral aylarında Azərbaycana 7 milyon 488 min ABŞ dolları dəyərində üzvi kimyəvi birləşmə idxal olunub. Bu isə illik 6,24% çoxdur.

Hesabat dövründə üzvi kimyəvi birləşmələrin idxalı ölkənin ümumi idxalının 0,29%-ni təşkil edib.