Azərbaycanda aktiv vergi ödəyicilərinin sayı 1%-dən çox artıb

Bu il aprelin 1-i tarixinə Azərbaycanda aktiv vergi ödəyicilərinin sayı ilin əvvəli ilə müqayisədə 1,4 faiz artaraq 871.138 təşkil edib.

Bu barədə "APA-Economics"ə Dövlət Vergi Xidmətindən məlumat verilib.

Həmin dövrə aktiv ƏDV ödəyicilərinin sayı isə 2,6 faiz artaraq 59.942 təşkil edib. Əlavə olaraq, tarixə aktiv təsərrüfat subyektlərinin (obyektlərinin) sayı 2,2 faiz artıb və 237.896 olub.