Ağcabədidə ağır yol qəzası nəticəsində ölən və yaralananlar var

Ağcabədi rayonunda ölümlə nəticələnən ağır yol-nəqliyyat hadisəsi baş verib.

APA-nın Qarabağ bürosunun məlumatına görə, qəza Hindarx qəsəbəsində qeydə alınıb. “VAZ-2107” markalı minik avtomobili ilə “KamAZ” markalı yük maşınının toqquşması nəticəsində sürücü Gündüz Süleymanov hadisə yerində həyatını itirib.

Qəza zamanı Aysel Səlimova və Yalçın Əhmədov ağır xəsarətlər alıblar. Yaralılar dərhal xəstəxanaya çatdırılıb.

Faktla bağlı araşdırma aparılır.