Güclü külək zəifləyib - FAKTİKİ HAVA - YENİLƏNİB

Milli Hidrometeorologiya Xidmətinin 4 aprel saat 18:00-a olan məlumatı açıqlayıb.

Xidmətdən APA-ya verilən məlumata əsasən ölkə ərazisində müşahidə olunan güclü şimal-qərb küləyi artıq zəifləyib.

***

15:38

Milli Hidrometeorologiya Xidmətinin 4 aprel saat 15:00-a olan məlumatına əsasən ölkə ərazisində müşahidə olunan güclü şimal-qərb küləyi tədricən zəifləyib.

Xidmətdən APA-ya verilən xəbərə görə, hazırda küləyin maksimal sürəti Bakıda və Abşeron yarımadasında 21 m/s, Neftçalada 23 m/s, Şahdağda 20 m/s, Naftalanda 18 m/s, Ağdamda 16 m/s-dir. Neft Daşları stansiyasının məlumatına əsasən dənizdə dalğanın hündürlüyü 3.4 metrə çatıb.

Bəzi bölgələrdə yağıntılı hava şəraiti müşahidə olunur. Xaltan, Şabran, Altıağac, Xaçmaz, Qubada yağış, Qusar (Laza), Qrız, Xınalıqda qar yağır.