Azərbaycanda problemli kreditlər son bir ayda 2% azalıb

2024-cü ilin may ayının 1-nə Azərbaycanda problemli kreditlərin həcmi əvvəlki aya nisbətən 1.8% azalaraq 462.2 milyon manata enib.

"APA-Economics" bu barədə Azərbaycan Mərkəzi Bankına istinadən xəbər verir. Vaxtı ötmüş kreditlər bu ilin əvvəlinə nisbətən 5.6%, ötən ilin eyni dövrü ilə müqayisədə isə 21.9% azalıb.

Cəmi kredit portfelində (BOKT-lər və kredit ittifaqları daxil olmaqla) vaxtı keçmiş kreditlərin payı əvvəlki ilin müvafiq dövrünə nəzərən 1.02 faiz bəndi azalaraq 1.78% təşkil edib.