Mərkəzi Bankın mənfəətindən büdcəyə köçürəcəyi məbləğ açıqlanıb

Azərbaycanın dövlət büdcəsinin 3 milyard 796,1 milyon manat məbləğində əlavə maliyyə tələbatı onun yenilənmiş proqnozlarına əsasən gəlirlərinin artırılması, təsdiq olunmuş bəzi xərclərinin optimallaşdırılması və yenidən bölgüsü nəticəsində formalaşan sərbəst vəsaitin, habelə dövlət büdcəsi kəsirinin böyüdülməsi hesabına qarşılanması nəzərdə tutulub.

"APA-Economics” bu barədə Maliyyə Nazirliyinə istinadən xəbər verir.

Məlumata görə, bu mənbələrdən biri Azərbaycan Mərkəzi Bankı (AMB) mənfəətinin sərbəst qalığından ayırmalardır.

AMB mənfəəti hesabına büdcəyə 250 mln.manat köçürəcək.