Azərbaycanda səhiyyə üzrə büdcə xərcləri 8 mln. manat azaldılıb

2024-cü ilin dövlət büdcəsinə dəyişikliklərin edilməsi ilə bağlı qanun layihəsində səhiyyə üzrə büdcə xərcləri 1 milyard 863 milyon 294 min manat proqnozlaşdırılıb.

“APA-Economics” Maliyyə Nazirliyinə istinadən xəbər verir ki, bu proqnoz cari ilin proqnozu ilə müqayisədə 8 milyon manat və ya 0.43% azaldılıb.

Qeyd edək ki, Azərbaycanın yenidən baxılan 2024-cü il dövlət büdcəsinin gəlirləri ilə bağlı proqnoz 34 milyard 173 milyon manatdan 36 milyard 353 milyon manata, xərcləri ilə bağlı proqnoz isə 36 milyard 763 milyon manatdan 39 milyard 707,3 milyon manata çatdırılacaq.