Oğuzda obyektlərdə yanğın baş verib

Oğuz rayonunda obyektlərdə yanğın olub.

APA-nın Şimal-qərb bürosunun məlumatına görə, səhər saatlarında rayonun Kərimli kəndi ərazisində Qaraməryəm-İsmayıllı-Şəki avtomobil yolunun kənarında fəsaliyyət göstərən aptek, baytarlıq apteki və geyim mağazasının yerləşdiyi ümumi sahəsi 170 kv/m olan binada yanğın olub.

Yanğının söndürülməsi üçün əraziyə Oğuz rayon Dövlət Yanğından Mühafizə Hissəsinin texnikası və şəxsi heyəti cəlb edilib.

Yanğın nəticəsində aptek və içərisindəki dərman preparatlarının böyük hissəsi yanıb. Geyim mağazası və baytarlıq aptekinin də tavan hissəsinə ziyan dəyib.

Yanğın zamanı xəsarət alan olmayıb. Faktla bağlı araşdırma aparılır.