İran ABŞ-ı ərzaq və dərman təchizatının idxalına mane olmaqda ittiham edib

ABŞ-ın tətbiq etdiyi blokada İrana ərzaq məhsullarının çatdırılmasına, ticarətə və tibbi xidmətlərin göstərilməsinə mane olur.

APA xəbər verir ki, bunu İran parlamentinin sədri Məhəmməd Baqir Qalibaf Qətərin “əl-Cəzira” telekanalına müsahibəsi zamanı bildirib.

“Vaşinqton bizə qarşı blokada tətbiq edib, ərzaq məhsullarının çatdırılmasına mane olur, həmçinin ticarətə və tibbi xidmətlərin göstərilməsinə əngəl yaradır”, – o deyib.

Qalibaf vurğulayıb ki, Tehran üçün prioritet sülhdür, lakin İslam Respublikası “davamlı çəkindirmə” siyasətinə hazırdır.

Onun sözlərinə görə, ABŞ Prezidenti Donald Tramp yenidən müharibə qərarı verərsə, növbəti dəfə məğlub olacaq.