Dəməşq yaxınlığında avtomobil partladılıb, ölənlər var

Suriyanın paytaxtı Dəməşq yaxınlığında avtomobilə yerləşdirilmiş partlayıcı qurğunun işə salınması nəticəsində 2 nəfər ölüb, daha 2 nəfər yaralanıb.

Suriyanın “Al-Ikhbaria” telekanalının məlumatına görə, hadisə Dəməşq ətrafındakı Cərəmana qəsəbəsində baş verib.

Bildirilib ki, avtomobilə yerləşdirilmiş partlayıcı qurğu akkumulyator istehsalı zavodunun yaxınlığında işə salınıb.

Hadisə yerinə mülki müdafiə qüvvələri cəlb olunub.

Partlayışın səbəbləri və hadisəni törədən şəxslər barədə hələlik məlumat verilməyib.