Bakıda intensiv yağış, bəzi yerlərdə qar yağacaq- XƏBƏRDARLIQ

Bakıda intensiv yağış, bəzi yerlərdə qar yağacaq- XƏBƏRDARLIQ

Tarix: 20 Nov 2026 16:33

Bakıda və Abşeron yarımadasında noyabrın 22-si axşamdan 23-ü səhərədək arabir yağış yağacağı gözlənilir. Yarımadanın bəzi yerlərində yağışın qısamüddətli intensivləşəcəyi ehtimalı var.

Bu barədə APA-ya Milli Hidrometeorologiya Xidmətindən məlumat verilib.

Noyabrın 21-i axşam Azərbaycanın şimal və qərb rayonlarından başlayaraq 23-ü səhərədək bəzi yerlərdə hava şəraitinin fasilələrlə yağıntılı olacağı gözlənilir. Ayrı-ayrı yerlərdə yağıntının intensivləşəcəyi, şimşək çaxacağı, dağlıq ərazilərdə isə qar yağacağı ehtimal olunur.

Yağıntılarla əlaqədar çaylarda sululuğun artacağı, bəzi dağ çaylarından qısamüddətli sel keçəcəyi istisna olunmur.

Günay Elşən Hava proqnoz Milli Hidrometerologiya Xidməti

Mənbə: apa.az

Xəbər Lenti