Azərbaycan tennisçiləri III MDB Oyunlarında gümüş medal qazanıb

Azərbaycanın həm qadın, həm də kişi stolüstü tennis yığmaları III MDB Oyunlarında komanda yarışlarını gümüş medalla başa vurub.

Apasport.az xəbər verir ki, final görüşündə Rusiya ilə qarşılaşan qızlardan ibarət yığma – Mərziyyə Nurmətova, Yağmur Məmmədli və Aylin Əsgərova 0:2 hesabı ilə uduzaraq ikinci yerlə kifayətlənib.

Eyni nəticə kişilərdən ibarət milli komandamızın da payına düşüb.

Onur Quluzadə, Adil Əhmədzadə və Rüstəm Hacılı finalda Rusiya kollektivinə 0:2 hesabı ilə məğlub olaraq gümüş medala sahib olublar.

Qeyd edək ki, stolüstü tennis yarışlarına sentyabrın 29-da yekun vurulacaq.