“Arsenal” doğma meydanda “Liverpul”u məğlub edib

Futbol üzrə İngiltərə Premyer Liqasında XXIII turun oyunları davam edir.

APA xəbər verir ki, ikinci oyun günündə dörd qarşılaşma keçirilib.

Turun mərkəzi görüşü Londonda baş tutub. Burada "Arsenal" "Liverpul"u qəbul edib. Matç meydan sahiblərinin 3:1 hesablı qələbəsi ilə yekunlaşıb.

Hesabı 14-cü dəqiqədə paytaxt təmsilçisinin heyətində Bukayo Saka açıb. Qabriel Maqalhaes 45+3-cü dəqiqədə avtoqol müəllifi olaraq tablodakı rəqəmləri bərabərləşdirib. "Topçular" 57-ci dəqiqədə Qabriel Martinelli ilə yenidən önə keçiblər. Matçın yekun nəticəsini 90+2-ci dəqiqədə Leandro Trossard müəyyənləşdirib.

Günün digər oyunlarında "Vulverhempton" "Çelsi"ni 4:2, "Mançester Yunayted" isə "Vest Hem"i 3:0 hesabı ilə məğlub edib. "Nottingem Forest" - "Bournmunt" görüşü isə qollu sülhlə yekunlaşıb - 1:1.

Bu nəticələrdən sonra turnir cədvəlinə 51 xalla "Liverpul" başçılıq edir. "Arsenal" 49 xalla 2-cidir. Aktivində 46 xalı olan "Mançester Siti" 3-cü, eyni xala malik "Aston Villa" isə dördüncü pillədə qərarlaşıb.