Göygöldə məktəbdə kütləvi zəhərlənmə: 10-a yaxın şagird xəstəxanaya yerləşdirilib

Göygöldə orta məktəbdə kütləvi zəhərlənmə olub.

APA-nın yerli bürosunun məlumatına görə, hadisə C.Verdiyev adına Aşıqlı kənd ram orta məktəbində qeydə alınıb.

Belə ki, ötən gün dərs prosesi zamanı məktəbin 10-a yaxın aşağı sinif şagirdi özlərini pis hiss ediblər.

Dərhal şagirdlər xəstəxanaya yerləşdirilib, onlara yardım edilib.

İlkin iddialara görə, şagirdlər məktəbdə yedikəri qidadan zəhərləniblər.

Məktəbdən APA-ya verilən xəbərə görə, hadisənin səbəblərinin müəyyənləşdirilməsi istiqamətində müvafiq qurumlarla birgə araşdırma aparılır.