TDT Baş katibinin müavini: Prezident seçkilərinin ölkənin bütün suveren ərazisində keçirilməsi qürurvericidir

Növbədənkənar Azərbaycan Respublikası prezidenti seçkilərinin ölkənin bütün suveren ərazisində keçirilməsi qürurverici hissdir.

Bu barədə APA-nın Türkiyə müxbirinin açıqlamasında Türk Dövlətləri Təşkilatı Baş Katibinin müavini Sədi Cəfərov bildirib.

O, Türkiyə ərazisində də seçkilərin yüksək səviyyədə təşkil edildiyini vurğulayıb:

“Hər şey Azərbaycanın Respublikasının seçki qanunvericiliyinə uyğun olaraq təşkil edilib. Biz də öz səsvermə hüququmuzdan istifadə etdik. Azərbaycan xalqı və dövlətçiliyinə xeyirli olsun”, - o deyib.