Cəlilabadda məktəblilər arasında münaqişə bıçaqlanma ilə nəticələnib

Cəlilabadda bıçaqlanma hadisəsi baş verib.

APA-nın cənub bürosunun verdiyi məlumata görə, hadisə şəhərin Məhəmməd Hadi küçəsində qeydə alınıb. Şəhərin 4 saylı orta məktəbində təhsil alan 2008-ci il təvəllüdlü H.B, onunla paralel oxuyan 2009-cu il təvəllüdlü yeniyetmə tərəfindən bıçaqlanıb. Bel və qarın nahiyəsindən iki bıçaq zərbəsi alan H.B təcili Cəlilabad rayon mərkəzi xəstəxanasına çatdırılıb.

Hadisəni törətməkdə şübhəli bilinən 2009-cu il təvəllüdlü yeniyetmə saxlanılıb. İlkin məlumata görə, hadisəyə səbəb yeniyetmələr arasında baş verən münaqişə olub.

Faktla bağlı araşdırma aparılır.