Bakıda evdə ər-arvadın meyiti tapılıb, araşdırma aparılır - YENİLƏNİB

Bakı şəhəri, Yasamal rayonu, Alatava qəsəbəsində yerləşən fərdi yaşayış evində 2 nəfərin meyitinin aşkar olunması faktı ilə bağlı Yasamal rayon prokurorluğunda araşdırma aparılır.

Bu barədə APA-ya Yasamal rayon prokurorluğundan bildirilib.

Ölümün səbəbinin müəyyən edilməsi məqsədilə məhkəmə-tibbi ekspertizası təyin edilib və digər zəruri hərəkətlər aparılır.

***

19.28

Bakıda evdə ər-arvadın meyiti tapılıb.

APA xəbər verir ki, hadisə Yasamal rayonu, Alatava qəsəbəsində yerləşən evdə qeydə alınıb.

Hələlik adları açıqlanmayan ər-arvadın meyiti evdə aşkarlanıb.

Onların hansı səbəbdən ölməsi araşdırılır.