İsrail ordusu Livanın cənubunda “Hizbullah” və HƏMAS-a məxsus 60 obyekti vurub

İsrail Silahlı Qüvvələri Livanın cənubunda “Hizbullah” şiə hərəkatı və Fələstinin HƏMAS qruplaşmasına məxsus 60 hədəfə zərbələr endirib.

APA xəbər verir ki, bu barədə İsrail Ordusunun mətbuat xidməti məlumat yayıb.

Məlumata görə, həyata keçirilən genişmiqyaslı hava zərbələri nəticəsində silah anbarları, raket qurğuları, komanda mərkəzləri və digər hərbi obyektlər hədəfə alınıb. Zərbələr əsasən Livanın cənubunda yerləşən Tir və Sayda bölgələrində endirilib.